Dateninitialisierung

Hochladen der Daten

AGS.txt

@@ -0,0 +1,84 @@
+swelch hunt ungebunden get,
+unz in daz alter beget,
+der chumt ungern in daz bant.
+ez ist den liuten wol bechant,
+daz der wilde mûzære
+wirt selten gar gewære,
+den man vahet in der rote;
+der wirt gut an der note.
+swer got ist wilde unz an diu iar,
+daz er gewinnet grawez har,
+sol er denne werden zam,
+so getriu und so gehorsam,
+daz er sich der sunden abe tuo,
+da chumt er also chume zuo
+als der alt hunt an daz pant,
+dem e nie binden wart bechant.
+er wirt also chume rehte guot,
+als der wilde muzære tuot.
+ich sage iu, waz im widerstat:
+die liebe, die er zu den sunden hat,
+diu læt si im werden chume leit,
+und diu alt gwonheit,
+diu ist der alten nature gelich.
+becherent hundert iungen sich,
+ê ein alter sich bechere.
+in hat der tievel so sere
+mit der gwonheit gebunden
+und also gar uber wunden
+mit der suze der sunden,
+swie tiefe er horet ergrunden
+christes rat und gotes gebot,
+er tuot niht anders durch got
+wan - ob er gut geleisten chan -,
+daz er des got vil wol gan
+nach sinem tode und nicht e.
+swie man im mit ræten zu ge,
+daz er so christenlichen lebe,
+daz er die sele got gebe,
+des volget er durch niemans rat.
+so der tievel die sele hat,
+so danchet im got des gutes niht.
+got wære lieber diu geschiht,
+daz diu sele zegnaden quæm,
+und der tievel daz gut næme.
+got iesus christ ist so gemuot,
+er chom niht her durch werltlich guot;
+daz guot wær ouch niht wol genomen.
+er ist umbe unser sele chomen
+- die der tievel von got schiet
+und unser friheit verriet -
+und hat uns wider gemachet fri.
+swie guot ein fuder goldes si,
+da næme got en sele fur.
+swie vil ein chunec durch got verchur.
+gienge er von dem chunechriche,
+schiede er sich niht gænzliche
+von houbthafter missetat,
+sin enwrde dannoch nimmer rat.
+swie vil er sines gutes gebe,
+swie wol er mit den toren lebe,
+swie fro si sines lebens sint,
+swie gern in minnen der werlt chint,
+fur baz geniezen denne fur wol,
+er gevellet got nimmer wol,
+ern gæbe danne die habe,
+daz er sich tæte der sunden abe.
+moht ein man hundert iar leben
+und moht er die werdicheit erstreben,
+daz er becheret mit siner chraft
+alle iuden und alle heidenschaft;
+und begienge er darzu den ruom,
+daz er stifte ein bistuom
+und ein richez chloster alle tage;
+begrife in der tot mit den slage,
+daz in got also funde,
+daz er houpthafte sunde
+niht verloben wolde noch vermiden;
+er muse immer wîtzze liden.
+daz nemen die richen in ir muot:
+got næme ir sele fur ir guot.
+swie vil si im gutes fuegen,
+des wil got niht genuegen,
+sin wellen denne so rehte leben,
+daz si im die sele darzu geben.